Nutheim Gjestgiveri

Stedet for eksklusive leiarsamlingar og møter for 4 - 20 personer

Her kan ein løfte blikket i direkte og overført tyding, romma byr på ro og konsentrasjon til det faglege innhaldet. I tillegg får de oppleva ei stad med mykje norsk kultur- og kunsthistorie i veggane, god heimelaga mat og eit personleg vertskap.

Me lagar all mat frå botn av, slik me har gjort sidan Nutheim var skysstasjon i 1877. Mange av oppskriftene har gått i arv i fire generasjonar. Me bakar alt sjølve, og bryggar vårt eige øl.

Nutheim har tilsaman 20 rom fordela på 7 bygningar.
Hovudbygningen er eit sjarmerande trehotell, og eit galleri for interiør, måleri og skulptur i seg sjølv. Det er her du nyter måltida, slappar av, og let deg inspirere av kunsten og estetikken som omgjev deg på alle kantar. Her har me 8 hyggelege rom; 1 stort og 7 mindre dobbeltrom, alle med dusj og toalett. Romma er dekorerte med bilete gjort av kunstnarar som har besøkt staden. Over tunet ligg låven, der har me 3 dobbeltrom med eige bad.

Spa og boblebad
Me har eigen liten spaavdeling med sauna og utandørs boblebad, -tid for avslapning og gode røur etter ein lang arbeidsdag, aller helst etter ein gåtur i området rundt.